सर्व मोठ्या चित्रपटांची तारीख ढकलली पुढे ; कोटींचे नुकसान

 

 

हिंदी चित्रपट सृष्टीत चर्चेत असलेला अभिनेता अक्षय कुमारचा 'पृथ्वीराज' हा चित्रपटदेखील पुढे ढकलण्यात आला आहे. एवढेच नव्हे तर एकीकडे हॉलीवूड चित्रपट 'स्पायडरमॅन - नो वे होम' रेकॉर्डब्रेक कमाई करत असताना दुसरीकडे अनेक हॉलीवूड चित्रपटांची तारीख पुढे ढकलण्यात आली आहे. यामध्ये 'मॉर्बियस' तसेच 'मूनफॉल' अशा अनेक चित्रपटांची भारतीय तारीख पुढे ढकलण्यात आली.

 

 

नुकतेच भारतामध्ये सर्व चित्रपटगृह सुरु करण्यात आले होते. तसेच, अनेक चित्रपट प्रदर्शित केल्यानंतर हळूहळू निर्मात्यांची गाडी रुळावर येत होती. मात्र, पुन्हा एकदा नव्या वायरसच्या चर्चा सुरु झाल्यानंतर अनेकांनी प्रदर्शनाची तारीख पुढे ढकलण्याचे निर्णय घेतले. यामध्ये 'आरआरआर'ला तब्बल १०० कोटींचे नुकसान सहन करावे लागले आहे. चित्रपटाच्या प्रदर्शनाला जेवढा उशीर होईल तितका व्याजाचा खर्चही वाढेल. टेलिव्हिजन आणि सोशल मीडियावरील प्रमोशन असे एकत्र करून निर्मात्यांनी आतापर्यंत २० कोटींहून अधिक खर्च केला आहे. तसेच, देशासह देशाबाहेरही या चित्रपटासाठी अंदाजे १० कोटींपेक्षा अधिक रुपयांचे परी-बुकिंग झाले आहे. त्यामुळे आता या रक्कमेचादेखील परतावा त्यांना करावा लागू शकतो.