इन्कम टॅक्स रिटर्न भरण्याची वाढीव शेवटची तारीख चुकल्यास... सरकार करू शकते तुमच्यावर केस

नवी दिल्ली  :  मूल्यांकन वर्ष 2021-22 साठी इन्कम टॅक्स रिटर्न किंवा ITR भरण्याची शेवटची तारीख 31 डिसेंबर 2021 होती. मात्र इन्कम टॅक्स डिपार्टमेंट काही दंड आणि लेट फीसह 31 मार्च 2022 पर्यंत ITR भरण्याची सुविधा देत आहे. या देय तारखेपर्यंत रिटर्न भरले नाही तर सरकार तुमच्यावर केस करू शकते.

 

 

 

 

31 डिसेंबरपर्यंत रिटर्न भरू न शकलेले करदाते आपल्या टॅक्स स्लॅबनुसार दंड भरून ITR पूर्ण करू शकतात. ITR 31 मार्चपर्यंत भरला नाही तर टॅक्स भरावा लागल्यानंतर कमीत कमी 3 वर्षे आणि जास्तीत जास्त 7 वर्षांची शिक्षा होऊ शकते. अशा करदात्यांकडून, इन्कम टॅक्स डिपार्टमेंट थकित कर आणि व्याजा व्यतिरिक्त दायित्वावर 50 ते 200% दंड देखील आकारू शकते . सरकारची इच्छा असेल तर ते करदात्यावर खटलाही चालवू शकते.

 

 

इन्कम टॅक्स नियमांनुसार, ITR दाखल करण्यात अपयशी ठरणाऱ्या प्रत्येक करदात्यावर सरकार कारवाई करत नाही. जेव्हा कर दायित्व रु. 10,000 पेक्षा जास्त असेल तेव्हाच इन्कम टॅक्स डिपार्टमेंट खटल्यांची कार्यवाही सुरू करतो. जर करपात्र उत्पन्न 5 लाख रुपयांपेक्षा जास्त असेल तर करदात्याला 5000 रुपयांपर्यंत दंड भरावा लागू शकतो. मात्र, जर करपात्र उत्पन्न 5 लाख रुपयांपेक्षा कमी असेल तर दंडाची रक्कम 1,000 रुपये असेल.