MPSC आयोग महाराष्ट्र दुय्यम सेवा अराजपत्रित, गट-ब संयुक्त पूर्वपरीक्षा 2022 ;जाणून घ्या... अर्ज करण्याची अंतिम तारीख
Total Views |
मुंबई : MPSC महाराष्ट्र राज्य लोकसेवा आयोगातर्फे MPSC Recruitment राज्य शासनाच्या विभागांतर्गत विविध संवर्गातील 800 पदांची भरती होणार असून त्यासाठी MPSC आयोगातर्फे महाराष्ट्र दुय्यम सेवा अराजपत्रित, गट-ब संयुक्त पूर्वपरीक्षा 2022 ही 8 ऑक्टोबर रोजी घेतली जाणार आहे. राज्यातील 37 जिल्हा केंद्रांवर ही परीक्षा होणार असून या परीक्षेसाठी शुक्रवार 15 जुलै पर्यंत अर्ज करता येईल. स्पर्धा परीक्षांची तयारी करू इच्छिणाऱ्या तसेच इतर विद्यार्थ्यांनाही या परीक्षेसाठी अर्ज करण्याची संधी असेल.
MPSC Recruitment यासाठी पदवी किंवा समतुल्य अंतिम वर्षाचे उमेदवार अर्ज करण्यास पात्र. मुख्य परीक्षेकरिता अर्ज स्वीकारण्यासाठी विहीत केलेल्या अंतिम तारखेपर्यंत पदवी परीक्षा उत्तीर्ण होणं आवश्यक. ही परीक्षा तीन टप्प्यात घेतली जाते. संयुक्त पूर्व परीक्षा- १०० गुण, मुख्य परीक्षा- ४०० गुण, मुख्य परीक्षा संबंधित संवर्गाची/पदांची कर्तव्य व जबाबदाऱ्या आणि अभ्यासक्रम लक्षात घेऊन स्वतंत्रपणे डिसेंबर २०२२ किंवा जानेवारी २०२३मध्ये घेतली जाईल. पोलिस उपनिरीक्षक पदासाठी १०० गुणांची शारीरिक चाचणी आणि ४० गुणांची मुलाखत घेतली जाईल. पूर्व परीक्षेकरिता अर्ज सादर करताना खेळाडू, दिव्यांग आणि अनाथ आरक्षणाचा दावा करणाऱ्या उमेदवारांनी संबंधित आरक्षणाकरिता पात्र असल्याचा पुरावा आणि अधिवास प्रमाणपत्र पीडीएफ फॉरमॅटमध्ये अपलोड करणं अनिवार्य आहे.
MPSC Recruitment महिलांसाठी आरक्षित पदांकरिता दावा करणाऱ्या उमेदवारांनी महिला आरक्षणाचा लाभ घ्यायचा असल्यास त्यांनी अर्जामध्ये न चुकता महाराष्ट्राचे अधिवासी असल्याबाबत आणि नॉन-क्रिमी लेअरमध्ये मोडत असल्याबाबत (अजा/अज वगळून) स्पष्टपणे दावा करणं आवश्यक आहे. सर्व पदांसाठी संयुक्त पूर्व परीक्षा ८ ऑक्टोबरला घेतली जाईल. चुकीच्या उत्तरासाठी ०.२५ गुण वजा केले जातील.
MPSC Recruitment परीक्षेस प्रवेश दिलेल्या उमेदवारांची प्रवेश प्रमाणपत्रं https://mpsconline.gov.in या संकेतस्थळावर उमेदवारांच्या प्रोफाइलद्वारे परीक्षेपूर्वी सात दिवस आधी उपलब्ध करून देण्यात येतील. त्याची प्रत परीक्षेपूर्वी डाऊनलोड करून घेणं आणि परीक्षेच्या वेळी सादर करणं आवश्यक आहे. संयुक्त पूर्व परीक्षेस पात्र असल्यास उमेदवार एक, दोन, तीन किंवा सर्व पदांसाठी विकल्प (ऑप्शन) देऊ शकतात. संयुक्त पूर्व परीक्षेतील गुणवत्तेनुसार उमेदवार मुख्य परीक्षेकरिता निवडले जातील. प्रस्तुत परीक्षेचा सविस्तर अभ्यासक्रम आयोगाच्या www.mpsc.gov.in या संकेतस्थळावर स्पर्धा परीक्षेअंतर्गत उमेदवारांना सर्वसाधारण सूचना आणि परीक्षा योजना विभागातील महाराष्ट्र दुय्यम सेवा अराजपत्रित गट-ब संयुक्त पूर्व परीक्षामध्ये उपलब्ध आहे. ऑनलाइन पद्धतीनं अर्ज सादर करण्याच्या सविस्तर सूचना
https://mpsconline.gov.in आणि https://mpsc.gov.in या संकेतस्थळावर उपलब्ध आहेत. ऑनलाइन अर्ज https://mpsc.online.gov.in या संकेतस्थळावर १५ जुलैपर्यंत करावेत.
१. सामान्य प्रशासन विभाग- सहाय्यक कक्ष अधिकारी गट-ब (अराजपत्रित)- ४२ पदं
२. वित्त विभाग- राज्य कर निरीक्षक गट-ब (अराजपत्रित)- ७७ पदं
३. गृह विभाग- पोलिस उपनिरीक्षक गट-ब (अराजपत्रित)- ६०३ पदं
४. महसूल आणि वन विभाग- दुय्यम निबंधक (श्रेणी १)/ मुद्रांक निरीक्षक गट-ब अराजपत्रित- ७८ पदं
सर्व पदांमधून महिलांसाठी ३० टक्के पदं आणि ५ टक्के पदं खेळाडूंसाठी राखीव आहेत.