नव्या कोरोनामुळे रद्द होणार नाही टीम इंडियाचा दौरा

 

 

 

एका वृत्तानुसार दक्षिण आफ्रिका सरकारनं देशात हाय अलर्ट जारी केला आहे. बाहेरच्या देशातून येणाऱ्या सर्व प्रवाशांची तपासणी केली जात आहे. दक्षिण आफ्रिकेच्या उत्तर भागामध्ये हा व्हायरस झपाट्यानं पसरतोय. याच भागातील जोहान्सबर्ग आणि प्रिटोरीया या शहरांमध्ये टीम इंडियाचे सामने होणार असल्यानं बीसीसीआयची काळजी आणखी वाढली आहे. बीसीसीआयच्या अधिकाऱ्यानं याबाबत दिलेल्या माहितीनुसार सध्या या दौऱ्यात कोणताही बदल करण्यात आलेला नाही. हा दौरा नियोजित वेळापत्रकानुसार होईल. आम्ही परिस्थितीवर लक्ष ठेवून असून क्रिकेट साऊथ आफ्रिकेशी संपर्कात आहोत. या कठिण परिस्थितीमध्ये सर्व गोष्टी लवकरच नियंत्रणात येतील अशी आपण फक्त आशा करू शकतो.