गर्भवती मातांसाठी ... प्रधानमंत्री मातृ वंदना योजना

जळगाव : महिलांच्या सबलीकरणासाठी प्रधानमंत्री मोदी यांनी अनेक महत्वाकांक्षी योजना सुरू केल्या आहेत. लाखो महिलांना या योजनांचा लाभ झाला आहे. मोदी सरकारच्या महिलांसाठी सुरू केलेल्या महत्वाच्या योजनांमध्ये उज्ज्वला योजना, जन धन योजना इ. योजना आहेत. यात आणखी एक योजना आहे, ज्या अंतर्गत महिलांना आर्थिक मदत दिली जाते. ही योजना म्हणजे प्रधानमंत्री मातृ वंदना योजना. गर्भवती महिलांना या योजनेचा लाभ मिळतो.

 

 

नरेंद्र मोदी सरकारच्या काही योजना आहेत ज्यात लाभार्थीला थेट त्याच्या बँक खात्यात पैसे दिले जातात. पंतप्रधान मातृ वंदना योजनेचा देखील अशाच योजनांमध्ये समावेश आहे. प्रधानमंत्री मातृ वंदना योजनेंतर्गत लाभार्थी गर्भवती महिलेला वेगवेगळ्या हप्त्यांमध्ये 5 हजार रुपये दिले जातात. ही डायरेक्ट बेनिफिट ट्रान्सफर (डीबीटी) योजना आहे. 01-01-2017 पासून ही योजना लागू केली गेली आहे.

 

पंतप्रधान मातृ वंदना योजनेचा लाभ प्रथमच गर्भवती असताना दिला जातो. या योजनेंतर्गत गर्भवती महिलेच्या पोषण आहारासाठी 5000 रुपये दिले जातात. योजनेअंतर्गत नोंदणी झाल्यावर गर्भधारणेच्या पहिल्या 150 दिवसात 1000 रुपयांचा पहिला हप्ता उपलब्ध होईल. तर दुसरा हप्ता 2000 रुपये असेल, जो मुलाच्या जन्माच्या आधी किमान एक तपासणी झाल्यास मिळेल. मुलाच्या जन्मानंतर आणि लस चक्र पूर्ण होण्यापूर्वी 2000 रुपयांचा तिसरा आणि शेवटचा हप्ता देण्यात येईल.

 

या योजनेचा लाभ सर्व महिलांना देण्यात येत नाही. रोजंदारीवर काम करणार्‍या महिला अथवा आर्थिक दुर्बल महिलांनाही या योजनेचा लाभ घेता येऊ शकेल. मुळात या योजनेचा उद्देश महिलांना आर्थिक मदत देऊन दिलासा देणे हा आहे. घरी बसून अर्ज करा इतर सरकारी योजनांप्रमाणेच आपणही या योजनेसाठी घरून अर्ज करू शकता. केंद्र सरकारनेही या योजनेसाठी अर्ज करण्याची प्रक्रिया ऑनलाईन केली आहे. म्हणजेच, आता आपण घरात बसूनही या योजनेसाठी ऑनलाईन अर्ज करू शकता.

 

प्रधानमंत्री मातृ वंदना योजनेकरिता अर्ज करण्यासाठी www.Pmmvy-cas.nic.in वर लॉग इन करा आणि त्यानंतर अर्ज करा. ही प्रक्रिया ऑनलाईन आहे. हे काम आपण घरी बसून करू शकता. आर्थिक वर्ष 2020 पर्यंत 1.75 कोटी पात्र महिलांनी सरकारच्या प्रधानमंत्री मातृ वंदना योजनेचा लाभ घेतला आहे. ही माहिती फेब्रुवारी महिन्यात संसदेत देण्यात आली. आर्थिक वर्ष 2018 व सन 2020 या कालावधीत एकूण 1.75 कोटी पात्र लाभार्थी महिलांना 5,931.95 कोटी रुपये देण्यात आले. या व्यतिरिक्त, आर्थिक वर्ष 2020-21 मध्ये फेब्रुवारीपर्यंत 65.12 लाख महिलांना 2,063.70 कोटी रुपये वितरित करण्यात आले. महिला व बालविकास मंत्री स्मृती इराणी यांनी राज्यसभेत ही माहिती दिली. सरकारच्या सुरुवातीच्या अंदाजानुसार या योजनेच्या माध्यमातून दरवर्षी 51.70 लाख महिलांना लाभ देण्याचे लक्ष्य ठेवले गेले आहे.